Gripp mavsum tanlamaydi

Ko‘pchilik gripp faqat qish fasliga xos deb o‘ylaydi. Ammo bugungi kunda gripp yilning deyarli barcha fasllarida uchramoqda. Ayniqsa, ob-havoning keskin o‘zgarishi, stress, noto‘g‘ri ovqatlanish va immunitetning pasayishi kasallikning tez tarqalishiga sabab bo‘lmoqda.


🦠Gripp — bu oddiy shamollash emas. U o‘z vaqtida davolanmasa, bronxit, pnevmoniya, yurak va asab tizimi bilan bog‘liq asoratlarni keltirib chiqarishi mumkin. Ayniqsa, bolalar, keksalar, homilador ayollar va surunkali kasalligi bor insonlar xavf guruhiga kiradi.

❗️ Grippning asosiy belgilari:

🔸Tana haroratining 38–40°C gacha ko‘tarilishi

🔸Kuchli holsizlik va tez charchash

🔸Bosh, mushak va bo‘g‘im og‘riqlari

🔸Tomoq og‘rig‘i, yo‘tal

🔸Burun oqishi yoki bitishi

🛡 Oldini olish yo‘llari:

🔹Qo‘llarni sovunlab tez-tez yuvish

🔹Yopiq va gavjum joylarda niqob taqish

🔹Xonalarni muntazam shamollatish

🔹To‘g‘ri ovqatlanish va vitaminlarga boy mahsulotlar iste’mol qilish

🔹Yetarli uyqu va jismoniy faollik

🔹Grippga qarshi emlanish



Agar gripp alomatlari sezilsa, o‘z-o‘zini davolash bilan shug‘ullanmasdan, albatta shifokorga murojaat qilish lozim. Kasallikni boshqalarga yuqtirmaslik uchun uyda qolish muhim.


💙 Unutmang: sog‘liq — eng katta boylik. Gripp hamon yonimizda, ammo ehtiyot choralariga amal qilsak, uni yengish o‘z qo‘limizda.

https://t.me/XivatumanSEOJSB