OVQATDAN ZAHARLANISHNI OLDINI OLISH UCHUN MUHIM QOIDALAR

Ovqatdan zaharlanish — bu sifatsiz, noto‘g‘ri saqlangan yoki mikroblar bilan ifloslangan ovqat iste’moli natijasida kelib chiqadigan holatdir. Quyidagi qoidalarga amal qilish orqali siz va yaqinlaringiz sog‘ligini himoya qilishingiz mumkin.
🧼💦 1. Tozalik — salomatlik garovi
✔️ Ovqat tayyorlashdan oldin va keyin qo‘llarni sovunlab yuvish
✔️ Oshxona anjomlari (taxta, pichoq, idishlar)ni toza saqlash
✔️ Xom va tayyor mahsulotlar uchun alohida idishlardan foydalanish
🥩 2. Xom va tayyor ovqatlarni aralashtirmang
❌ Xom go‘sht, baliq va tuxumni tayyor ovqatlar bilan birga saqlamang
✔️ Bu zararli mikroblarning tarqalishini oldini oladi
🥩🍗🥚 3. Ovqatni yaxshilab pishiring
✔️Go‘sht, parranda va tuxum mahsulotlari to‘liq pishgan bo‘lishi shart
✔️ Yarim xom ovqatlar xavfli bakteriyalarni saqlab qoladi
❄️🔥 4. To‘g‘ri saqlash qoidalariga rioya qiling
✔️ Tez buziladigan mahsulotlarni sovutkichda saqlang (+2…+6°C)
❌ Tayyor ovqatni xona haroratida 2 soatdan ortiq qoldirmang
🥛 5. Faqat xavfsiz mahsulotlardan foydalaning
✔️ Qadoqlangan mahsulotlarning yaroqlilik muddatini tekshiring
✔️ Faqat qaynatilgan yoki tozalangan ichimlik suvidan foydalaning
❌ Ko‘cha sharoitida noma’lum ovqatlarni iste’mol qilmang
🤢🤮 6. Zaharlanish belgilari paydo bo‘lsa
❗️ Ko‘ngil aynishi, qusish, ich ketishi, isitma bo‘lsa
➡️ Darhol shifokorga murojaat qiling
➡️ O‘zboshimchalik bilan dori qabul qilmang
✅ Eslab qoling!
Ovqatdan zaharlanish — bu oldini olish mumkin bo‘lgan kasallik. Gigiyena va sanitariya qoidalariga amal qilish har bir fuqaroning mas’uliyatidir.

📌 Sog‘lig‘ingiz o‘z qo‘lingizda!