Ortiqcha tuz iste’molini cheklash orqali siz yurak, buyrak, suyak va miya salomatligini himoyalashingiz mumkin

Har qanday taom tuz bilan albatta mazali bo‘ladi. Tuzni ba’zida me’yordan ortiq iste’mol qilib yuboramiz. Bunga o‘rganib qolib, sog‘lig‘iga putur yetkazayotganlar ham oramizda topiladi. E’tibor bersangiz, har bir oshxona, restoranlarda stolga tuz qo‘yib qo‘yiladi. Hozirda ko‘p mamlakatlarda bu odatdan voz kechilib, tuz olib qo‘yilyapti. Chunki tuz oq ajal ham deyiladi.

❗️Tuz birinchi navbatda organizmda suyuqlik to‘planib qolishi, shish paydo bo‘lishiga sababchi bo‘ladi. Shundan kelib chiqib, gipertoniya – qon bosimi oshishining birinchi sababchilaridan hisoblanadi. Gipertoniyaga chalingann insonlarda infarkt, insult ehtimoli yuqori bo‘ladi.

🛡Tuzning ovqatlanish ratsionidagi ahamiyatini qayd etgan holda, JSSTning Yevropa mintaqaviy byurosi «Ovqatlanish, harakat faolligi va semizlik» dasturi rahbari doktor Joao Breda shunday dedi: «tuzni me’yoridan ortiq iste’mol qilish alkogol va tamaki iste’moli bilan bir qatorda xavflarni keltirib chiqaruvchi omil hisoblanadi».