Umumiy ovqatlanish shahobchalarining hojatxonalariga qo‘yiladigan gigiyenik talablar

Umumiy ovqatlanish obyektlarida (restoran, kafe, oshxona va boshqalar) hojatxonalar sanitariya-gigiyena qoidalariga qat’iy rioya qilgan holda jihozlanishi va saqlanishi lozim.

Asosiy talablar:

💧Hojatxonalar ovqat tayyorlanadigan, saqlanadigan va iste’mol qilinadigan xonalardan alohida joylashtirilishi kerak.

💧Hojatxonalar muntazam ravishda tozalanib, dezinfeksiya ishlari olib borilishi shart.

💧Qo‘l yuvish joylari issiq va sovuq suv bilan uzluksiz ta’minlangan bo‘lishi lozim.

💧Suyuq sovun, antiseptik vositalar, qog‘oz sochiq yoki qo‘l quritgichlar mavjud bo‘lishi talab etiladi.

💧Shamollatish tizimi soz holatda bo‘lib, yoqimsiz hidlarning oldi olinishi kerak.

💧Chiqindilar uchun qopqoqli axlat qutilari o‘rnatilib, ular o‘z vaqtida bo‘shatib turilishi zarur.

💧Imkoniyatdan kelib chiqqan holda, xodimlar va mijozlar uchun hojatxonalar alohida tashkil etilishi tavsiya etiladi.


Hojatxonalar gigiyenik holatining me’yorlarga mos bo‘lishi aholining sanitariya xavfsizligini ta’minlashda muhim ahamiyatga ega.